Hezitzaile Eskolan Haur Hezkuntzako 2. maila ikasten ari garen 5 ikasle gara. Gure egunerokotasunean, hezitzaile eskolan, haur eskoletan eta beste instituzioetan, lantzen dugun esparruaren nondik norakoa aztertzeko aukera izan dugu. Horren ondorioz, hainbat arazo identifikatzea lortu izan ditugu eta horietako bati soluzioa ematea erabaki dugu. 

Haurraren heziketa prozesuaren alor askotan familiak haien seme-alabei material oro eskaintzera behartuak daude, adibidez: arropa, aulkitxoa, jostailuak eta abar luze bat. Familia batzuk hau lortzea zailago dutela eta jada lortu dutenek soberan dutela ikusi dugularik, belaunaldiz belaunaldi behar hauek trukatu ditzaten proposamena egiten dugu.

Horretarako, zuen esku webgune bat jarriko dugu; bertan, produktu hauek dituzten familiak behar ez dituzten materialak igo ahalko dituzte eta ondoren beharra duten familiak eskuratzeko aukera izango dute. 

Proiektu honetan gure helburua ez da dirua lortzea izango, baizik eta familia hauen beharrak asetzea beste batzuek dituzten baliabideak probestuz. 

Necessidades do projeto